تكاسي مصر

تكاسي مصر ما عادتش تحط اغاني!

تكاسي مصر بئت كلها اخوان..

و يحطوا مارشات عسكرية و قرآن..

و بيفتوا في افراح الناس و الاحزان..

كل ده من بعد ثورة الايمان!

يا جدعان!

تكاسي مصر بئت تنائش الاديان

بتكفر اقباط و شيعة و الدين بتاع التخين ابو ودان!

يا عم حد يصلي بتسع مليون

ودم الولاد بخمستلاف و بنبوني و شمعدان!

تكاسي مصر بئت بتبرر للريس.. ائفل الساعة 10 اصل السهر للجدعان!

و احنا يا ريس اونطة.. و سيس و خرفان!

و مالها تتئطع الكهربا.. محنا بنتلكك بنفتح التكييف في الصيف و الواحد عرئان!

انا عارف انت خايف على صحة الشعب يا ريس.. دنته رئيس.. و النعمة كويس!

و زعلانين ليه السكس من النت يتئطع هوه كمان؟

هوه انتو عارفين تخشوا النت من دون كهربا و المودم عطلان؟

تكاسي مصر بئت بتشتم في المليان!

صباع حشيش و جمعة تطبيئ شريعة و زحمة الميدان!

شريعة مين يا عاطل؟

و الي مثلك عارف، قوازك من فؤادة باطل!

شبكتوا الحكومة.. و بئيتوا أرايب!

و الناس بطلت تمشي على الرصيف!

و زحمت العربيات تمشي على الخرايب!

زهقتنا في الكهربا يا مرسي من الصيف!

و خلتنا ننام و نصحى و نعرء علخفيف!

لا عطالة و لا بطالة و لا انقطاع!

وعود و كلام هايف و .. و انت مالك؟

انا مالي بصحيح.. ليه بتكلم في بلد متخصنيش؟

هي مصر للمصريين و لا لينا كلنا!

هي مصر بتاعت ابوكو لوحدكوا و لا للعالمين؟

ممنوع ازعل..

من الي بيحصل؟

و انت مالك تعترض؟

يعني عايش فيها و برضوا معاكو بننهري!

تكاسي مصر يا جدعان بئت اخوان..

ما عادتش تحط موسيقى و ام كلثوم و اسمهان!

بئينا نركب توابيت نكد

و يخطب فينا الامام شيخ التكس خطبة السكة بسهد:

بص الناس مش عاجبها جمعة تطبيئ الشريعة

عاوزين يدخلوا مصر النار

يا عم حمار

هي الدول بتخش النار؟

و الثوار شالوا فراعين علشان تتحط على ألبهم احجار؟

و الثوار دمهم راح علشان تختار فلافل و لا فول؟

انت مسطول؟

دنت شكلك عامل زي الكنافة البرم

مش اخدتوا الحكم

ليه ما راحش الظلم

ليه الناس بتتخانئ و تمسك في بعضيها

و الواحد مش عارف يخاف من الناس و لا على نفسيها؟

يا عم.. وصلت الجامعة

سلام

و عليكم السلام

الطريق إلى السيدة

يا عمّ ..

من أين الطريق ؟

أين طريق " السيّدة "؟

- أيمن قليلا ، ثمّ أيسر يا بنيّ

قال ,, و لم ينظر إليّ !

***

و سرت يا ليل المدينة

أرقرق الآه الحزينة

أجرّ ساقي المجهده ،

للسيّدة

بلا نقود ، جائع حتّى العياء ،

بلا رفيق

كأنّني طفل رمته خاطئة

فلم يعره العابرون في الطريق ،

حتّى الرثاء !

***

إلى رفاق السيّده

أجرّ ساقي المجهده

و النور حولي في فرح

قوس قزح

و أحرف مكتوبة نم الضياء

" حاتي الجلاء "

و بعض ريح هيّن ، بدء خريف

تزيح عقصة مغيّمة ،

مهمومة

على كتف

من العقيق و الصدف

تهفهف الثوب الشفيف

و فارس شدّ قواما فارغا ، كالمنتصر

ذراعه ، يرتاح في ذراع أنثى ، كالقمر

و في ذراعي سلّة ، فيها ثياب !

***

و الناس يمضون سراعا ،

لا يحلفون ،

أشباحهم تمضي تباعا ،

لا يتظرون

حتّى إذا مرّ الترام ،

بين الزحام ،

لا يفزعون

لكنّني أخشى الترام

كلّ غريب ههنا يخشى الترام !

و أقبلت سيّارة مجنّحة

كأنّها صدر القدر

تقلّ ناسا يضحكون في صفاء

أسنانهم بيضاء في لون الضياء

رؤوسهم مرنّحة

وجوههم مجلوّة مثل الزهر

كانت بعيدا ، ثمّ مرّت ، واختفت

لعلّها الآن أمام السيّده

و لم أزل أجرّ ساقي المجهده !

***

و الناس حولي ساهمون

لا يعرفون بعضهم .. هذا الكئيب

لعلّه مثلي غريب

أليس مثلي غريب

أليس يعرف الكلام ؟

يقول لي .. حتّى .. سلام !

يا للصديق !

يكاد يلعن الطريق !

ما وجهته ؟

ما قصّته ؟

لو كان في جيبي نقود !

لا . لن أعود

لا لن أعود ثانيا بلا نقود

يا قاهره !

أيا قبابا متخمات قاعده

يا مئذنات ملحده

يا كافره

أنا هنا لا شيء ، كالموتى ، كرؤيا عابره

أجرّ ساقي المجهدة

للسيّده !

للسيّده !

--------

(نوفمبر 1955)

أحمد عبدالمعطي حجازي