برعاية اللحاف الوطني الدكتاتوري
يعلن حزب المو وتنيين عن بدء حملة نبيها ديمتري لدعم المرشح التوافقي دميثير لرئاسة مجلس الامة
انشر و لك الاجر
لمتابعة المزيد من اخبار الحملة على قروب المو وتنيين في الفيسبوك او صفحة الحملة مباشرة
دميثير رجل التغيير
دميثير رجل التغيير
يعلن النائبين الداعية العلامة الطهطاوي الاكزومبي و الداعية المصلح الاجتماعي نيشان فالح قوي عن دعمهما المطلق و المتفاني عن النائب و المرشح لرئاسة مجلس الأمة خلف دميثير المعروف بـ"ديمتري" حتى موعد تغيير ستايل اللحية
طبعا النائبين فازوا عن الدائرة السادسة الي كانت اكتساح ليبرالي حدساوي بقيادة المو وتنيين، كما يعلن المو وتنيين عن حاجتهم لقيادات نسائية تقود التنمية للأمام من صج مو ضحكا على الذقون و شكرا
انتهى الاعلان المدفوع
انشر و لك الاجر
12 comments:
شفيه بالع رقبته واهوا حكم؟؟
والله حسبته الاحدب نورتندام
اهو مو حكم، هذي فنيلة نيوكاسل
و اهو مقصر رقبته تواضعا للناس
لازم تدخلون السعدون بكل شي :)
الخرافي وينه عنـكم ؟
مسكين الحين بس جاسم بواللحم محّد سواله حملة نبيها !!
:P
نبيها جاسم بوللحم
ها أس بو ليك نسويله حملة ؟
Q8 Chili
looool
رهيب الشغل
تسلم ايد حاكي عقالي
بدّع بالحملة
من وين قيادات نسائية حقيقية؟ وايد متفائل ترى
از يو لايك
السعدون جزء لا يتجزء و عنصر مهم و فعال في الساحة السياسية و واجب علينا نعطيه حقه
الخرافي وجوده و عدمه واحد لكن الناس ما تعبده نفس السعدون
احنا نحطم الاصنام
و انت تقدر تسوي حملتك الخاصة على الخرافي انا حاط دوبي بالسعدون
فلفل كويتي
يالله خل نشوف الحملة مالتكم يمكن نقدم لكم دعم لوجستي بعدها
فتاة نيويورك
الظاهر انا ولد الهندية، يبا العمل نتاج تكاتف جماعي للمو وتنيين كلهم، انا المخ و حاكي المهارات، و بو مريوم يصفق
بس خالد يستاهل كل خير و انا شقيت مخه من كثر ما احن عليه
يعطيك العافية يا خالد
و على القيادات النسائية انا قصدي حق المو وتنيين، ذيلاك لهم طيبة مرشحة كوكب ساسون
عجيييييييييييييييب
شكله حلو ديميتري
بس شلون أتفق جميع الأطراف
الوتنيين والمووتنيين عليه
رئيس توافقي
العزيز اكزومبي
افا عليك
وياك يبه وياك
نبيها ديمتري
:))
مع وافر الاحترام والمودة
المحــــــب/
شــقــــران
سو اللي يعجبك يا مااان (شفتها بفلم ظرف طارق وعجبتني :))
الخرافي مايشوف شر .. شايف شكله اسوي له حمله .. كافي اهو مصخر نفسه عشان كرسي..
اما السعدون .. وعبادة الاصنام .. مو اسلوبي :) .. مدحي او دفاعي عن هالشخص مو عبادة .. لكن احتراماً لتاريخ هالرجل.
هذيان
و الله ما عندي علم انه الوتنيين متفقين عليه كرئيس توافقي، بعدين هالمصطلح جنه مستوردينه من لبنان رئيس توافقي و تشبيه طمع الاطراف بالرئاسة بالحرب الاهلية الي قاعد تصير هناك غلط و تشويه للوضع في الكويت
السعدون يدري سوقه ميت، و الناس ما راح تعطيه، و النواب ما يثقون فيه فحاول يوجهها ناحية الرومي من جهة لما شاف الخرافي مو ملقيه ويه بسالفة التوافقي
العزيز شقران
يسعدنا مساندتك للحملة
از يو لايك
و الله الي قاعد اشوفه انه يتم تقديسه بس علشان "التاريخ" و الكل يقول التاريخ و التاريخ شنو التاريخ الي سواه... الدواوين شنو سوا بالدواوين سواه بالدوائر الخمس... ركب الموجة، هل عدم احترامه للشيخ سعد الله يرحمه ايام مرضه مرجلة و لا تاريخ......!!!؟
لما يلف و يدور 30 سنة من العمل السياسي و ما نشوف انجازاته الا وقت الازمات و المشاكل، و غيره، الحين خلاص ما ينفع الحجي عنه اهو باخر ايامه بالمجلس شحقه نصدع مخنا وياه، خله على الكرسي قاعد، و شوف انجازاته و تاريخه هالمرة و انشاء الله يكسر فيني و يثبت اني غلطان انشاء الله
على العموم تحياتي
قلت:
"و الله الي قاعد اشوفه انه يتم تقديسه بس علشان "التاريخ" و الكل يقول التاريخ و التاريخ شنو التاريخ الي سواه... الدواوين شنو سوا بالدواوين سواه بالدوائر الخمس... ركب الموجة، هل عدم احترامه للشيخ سعد الله يرحمه ايام مرضه مرجلة و لا تاريخ......!!!؟"
المشكلة اننا نربط السعدون بتاريخه الحديث ونتهاجل تاريخه القديم، بعدين ليست مرجلة او تاريخ، بل تطبيق للائحة الداخلية .. اذا عندك اعتراض عليها عدلها .. أو طبقها بالحرف الواحد ! هذا اللي يخلينا نوقف مع السعدون
قلت:
"لما يلف و يدور 30 سنة من العمل السياسي و ما نشوف انجازاته الا وقت الازمات و المشاكل، و غيره، الحين خلاص ما ينفع الحجي عنه اهو باخر ايامه بالمجلس شحقه نصدع مخنا وياه، خله على الكرسي قاعد، و شوف انجازاته و تاريخه هالمرة و انشاء الله يكسر فيني و يثبت اني غلطان انشاء الله"
ازمات مشاكـل .. يمكن كلامك صحيح .. لكن ليش تشوف احمد السعدون بس الازمات والمشاكل ؟ لأن مو مثل صاحبنا بالدينار يحرك المجلس مثل مايبي .. ويأزم البلد مثل مايبي :)
واسف اذا ضايقتك بردودي :
بالعكس ناقش كثر ما تبي، و انا ما اتضايق ابد من النقاش و النجرة
بالنسبة للسعدون الاسطوانة الي دايما نسمعها انه تاريخ و تاريخه و الي سواه، لكن لما تسألهم شنو سوا يسكتون، ابي احد يحط لي انجازاته و تاريخه
تطبيق اللائحة الداخلية صحيح، لكن مرض المرحوم كان يشفع له، و السعدون ما كان يلتزم باللائحة الداخلية لما كان يدير الجلسات
هل انت مقتنع بان الخرافي يدير الازمات في الكويت و هو من يثيرها و يخمدها على حسب مصلحته......؟!؟
الخرافي يلحق مصالحه فقط، و ما فرقت معاه، حاله من حال السعدون
المكان مكانك و قول كل الي تبيه
Post a Comment