الطريق الي شويخ

ليش مستغربين الزحمة

اذا كنتوا تدرون انه كل سنة قاعدة تطلع 30 الف رخصة

قيادة و 60 الف سيارة تنزل الشوارع اللي مو قاعدة تتوسع.......!!؟

!و تلاحظون توزيع المناطق و الطرق مو مدروس و ما كانو حاطين بعين الاعتبار التوسع و الزيادة السكانية و الديموغرافية للبشر و السيارات في الكويت.....يعني طلبة الجامعة كمثال....خصوصا طلبة كلية العلوم الادارية او الطب المساعد او قسم الاعلام او غيرهم من الي يداومون بشويخ.....شارع حارتين....!!!

طلبة اربع كليات و قسمين من كيفان......!!!هذول مو اقل من 10000 طالب و طالبة .....!!!!نقول 7500 منهم يسوق سيارته للجامعة و الباجي يروح مع السايق......!!هذول 10000 سيارة بس لطلبة جامعة الكويت.....!!!بشارع لاينين......!!!و 3 مداخل كل واحد منهم يدخل السيارات وحدة وحدة...عندنا بعد طلبة التطبيقي و المعاهد مشاركين الجامعة بنفس الدوار ....!!!خل نقول انهم 6000 طالب و طالبة معاهم سياييرهم......!!!حسبوا....نفس الشارع بو لاينين و دوار و 16000 سيارة بيدخلون من 3 بوابات (بوابتين في نفس الشارع للجامعة و بوابة براس الدوار للتطبيقي).....!!!موظفي و دكاترة و مراجعي مستشفيات الرازي و الصباح و الطب النفسي و الولادة و امراض الحساسية يمرون بنفس هالشارع هذا لأنه ماكو طريج غيره.....خل نقول انهم 7000 مع سياييرهم غير سيارات الاسعاف.....!!!دروب تاكل القاع و الحسّابة بتحسب........!!!ادارة الاحداث و محاكمهم و الموظفين خل نقول 300 و لا ننسى معهد الابحاث و موظفينه 500 .......!!!هذول للحين 238000 سيارة تاكل هالشارع بو لاينين رايح بس من الساعة ثمان الصبح موعد دوام "الكل" يعني الدكتور و الطالب و الطالب و الطالب و الطبيب و المرض و العالم و الباحث و الاخصائي النفساني و المدمن و و و و و و كلهم يبدون دواماتهم من الساعة 8.......!!!23 الف سيارة و شوي على لاينين متى يوصلون و شلون و ليش......!!!و بالاخير تستغربون ليش عندنا ..... زحمة.......!!!يعني الدوريات شنو بتسوي اذا الدوريات بتجابل هالشارع راح تزيد الزحمة ماراح تمشي السير......!!!المنطق يحتم علينا انه ننسى صناديق التنمية و ماي سبيل الغرب و "الاشقاء" و نجابل روحنا و نوزع مرافق الخدمات حسب التوزيعة السكانية و الديموغرافية.....!!!

آسف طولت كالعادة

خلصت كلامي.....