Thursday, April 12, 2007

سيرة حب

اتحب.....
سيرة الحب و كلام العشاق و الأشواق..
القلب..... يا قلب همل ذكر الناس و ذكرني بعشّاقه..
الروح.... يا روح رضت تصبر تعيش بقرب من بقربه لها علاجه..
ضمى النفس يا قلبي.. ترويها ذكرى نفسك، ذكرى همسك، ذكرى لمسك، ذكرى اسمك..
و شوق العين يا روحي.. ما يمليها.. غير مناظر الـ.... في حضن الـ "الـ...."..
و بسكت ماني قايل قصدتك ليش بكلمة الـ....
تداريني و اداريك... تحملي فرقاي و أجيك...
و نجيك ماني لوحدي هالمرة...
معاي قلبي معاي روحي..
معاي عيني..
معاي صبري...
معاي أشواق و كلام.. عشاق و شوق أحباب و سيرة حب..
تحب يا قلب....؟!؟!
تحب يا روح.....؟!؟!
و تذكرين السوالف و الحجاوي و الحكم....
و فلسفة شطار بهالدنيا فرحانين...
و تدرين بسواليفي بعمق البحر ما تلتم...
و لكن قلبي قاللي "لا"....!!!
خلاص..
"لا"..
أبد ..
"لا"..
حلفت..
"لا"..
"أبي أعرف مكاني" و تم.....!!!
طلع مسكين لا تواخذينه صبر بس الحين الله يعينه...
حلفت قال "لا"...
"أبد يا هم.. أبي أعرف مكاني للهوى أو هم".....!!!
و سكت قلبي و نام بهم...
قلبي قام و صارح...
يا ويلي يا روح الروح..
يا شاغل همي و ليلي و تفكيري و تذكيري...
يا ساعي للوصل أقرب من اظليلي..
يا عايش في الصفاه لا تهدم الحيلي....
و كل يوم تواصلني يا روح الروح..
يا نبض القلب اهم من دم...
أسحب من كلامك "كم" و أدور في زوايا "جم"...
جم مرة تقول "عفوا"...
جم مرة تقول لي "نعم"..
و جم مرة تقول لي "حلو"..
و فيك أنا يا حلو أهيم...
أقول شفيك هاليومين، جنه صاير معاك شي..
و مو قصدي و لا قصدي أسئلك عن سوالف غم..
أسحب من كلامك شي..
و للذكرى و للفكره أدور في خبايا شي..
عن لفتة تبين صوب..
عن همسة اسم محبوب..
و عن نظرة هيام و شوق..
و اليوم صملت أبي اعرف..
"شلونك" ....
زين...
"أخبارك" ...
زين...
لساني ما يسولفلج تراه مستعجلن الحين.....!!!
شلونج انتي و شخبارج ويا اصحابج و شعلومج..
و وين رحتي في امس و يوم و شمسويا بمظلومج......؟!؟!
الاخيرة ما رضى قلبي يطلعها...
بصبر زين و انطر زين و اشوف اترد بشنهو الحين.....
"تمام" و "تمام"....
"الحمدلله تمام" و "كله تمام"....
و بس انا ناطر علشان اسمع كلمة تمام.....؟!؟!
شلونج انتي و شخبارج و شلون الاهل في دارج... و شعلومج ومنهو مسهرج في ليلج....؟!؟!
الاخيرة ما رضى قلبي يطاوعني و اخليها....
و لا لساني يحاكيها....
"الحمدلله و ماكو شي... و لا هو شي وما صار شي"......
افييييييييييييه...
خلصنا من "تمام" و طلع لنا "شي" و أشوه انه طلعلنا شي...
سمعتها...
حشرجت بالصوت...
تنطر في خبايا النوت...
كأنه شي...
و صاير شي...
شلونج انتي... انتي... مو احد غيرج انتي...
و شخبارج قصدي انتي....
و شلون العواطف و الحب وفي احدٍ ملى عيونج.....؟!؟!
الاخيرة قلبي طلعها و من لساني تطاولها و قدمها و نطر دورج......!!!
فهمتيني...
عرفتي قصدي و مغزاي و نقزاتي و حرشاتي فيج......!!!
اقولج شفت سمية و مايا و خربوا لي مقاييس الجمال.....!!!
و صورت انا معاهم و تضاحكنا و تمشينا....!!!
هم صج من احلى البنات و لكن مو من قدر ست الدلال..
سمعتها...
حشرجت بالصوت...
هيّاه كأنه شي...
صار في شي....!!!
"شقصدك" سمعتها بندم...
شفيها كلامي ما انفهم.....!!!
انا قصدي بقلبج ناس و لو اجناس
ابي اعرف شغل تفكيرج و ليلي و سرايا حب و لوعة قلب خلصيني و طمنيني....
ذكرتي اسمه...
و انا من سكرتي نسيت ان اول حرف من اسمي يبدي بنفس حروف اسمه...
قوليها و خلصيني و سمعيني و طمنيني و صارحيني و فكيني و قولي لقلبي يا قلبي و قوليلي و فرحيني
"أحبك"...
بس... اي بس...
كفاية لو هي من حرفين....
خلاص خرتها و بديت افصل اقول أقوم..
اكلم و اوصل حبيب القلب مضى عيوني

اتحب.....
سيرة الحب و كلام العشاق و الأشواق..
بسمعك كل يوم همسة
و أصورك من الحب تمثال
و اشربك من هواي رشفة
و اسطر لك من الشعر موال
"أحبج" خلاص انهي...
و "صح النوم" غداً تنقال...

7 comments:

Q80-ChillGirl said...

Amazing post

بدعت

iDip said...

شفافية وعفوية جميلة

صح لسانك يا مطول الغيبات

Qa6Wa said...

I miss u ya 5ayis ya m3afin ya mqa6in zeeeeeeen chithi

EXzombie said...

Dear chigi,

glad you liked it....

Dear iDip,

thanks, and same to you too....!!!

Dear Blasha,

thanks ya aldaykha, ya el di3la.....!!!

Anonymous said...

u just made some sense out of nonsense.... nice

EXzombie said...

Dear MSD,

long time no read (my bad)...

well, it makes sence between the two in the poem, this is how they confessed their love and affection to each other, it's not much a poem as it is a story, the events and coversations are 100% true by the way.....!!!

Foz said...

amazing 3azyez :-)