Monday, November 17, 2008

حلقتكم جدا سايخة يا سكوب

بصراحة فشلة
انا ما الوم المعد الحمار، و لا المذيعين البهايم، و لا حتى الجويهل، انا الوم ماد ام قص علي و قال لي شوف البرنامج
بصراحة صدمة الحلقة مالتهم، من عقال الجويهل، لين طلبه بفحص عقول النواب، و هوشته مع المذيعين، و خرابيط لين شرقت من الضحك
و كله كوم و حركتهم بمنتجة كلمة سمو الامير بكوم، اعتقد انهم تعدوا حدودهم و اساءوا للأمير الي خلوه يتأتأ و يحطون له ترجمة و الطبطبائي صوته مو واضح ما حطوا له ترجمة.....!!!؟
بعدين بيعة الصوت صارت عنده صح.....!!!؟
بالله هذا مو حمار
اقول الي طقوا بو عيده ليش ما يكملون جميلهم و يكوفنون الخمة هذول......!!!؟
بعدين من وين طلعت منظمة عبس.....؟!؟
عنتر... صوتك وصل
و تبا لسكوب

18 comments:

ابوالوليد said...

شفت جزء بسيط من اللقاء

لأني ادري كلام الجويهل لايسمن ولايغني من جوع

بس صراحة الإعلام المرئي ينقصه تواجد المدونين
وأرشحك ياكزومبي تصير بوعيدتنا وتقول كلمتك على الهواء "تبا"

:)

Anonymous said...

الله لا يقول ازقمبي يصير بالتلفزيون كنك ناوي علينا

EXzombie said...

ابو الوليد

الله لا يقول يا معود احنا ناقصين، خلنا محاورين و لا نناجر، بس اصير مذيع ما اعرف و لا اقدر عليها

قاعد اشوف دعاية بعد برنامج الجويهل حاطين ثنتين بالحسرة يتكلمون كويتي ما ادري ليش ذكروني ببيادر السلام

EXzombie said...

بطاح

صوتك وصل

Eng_Q8 said...

محد طقه

EXzombie said...

حسافة

عيل شنو الي صار له

Bavaud said...

بلا سكوب... بلا صوتك وصل

اكزومبي شلونك بس؟ :o)

EXzombie said...

Bavaud

يا القاطع سلامات وين مختفي طول هالوقف

انا الحمدلله كل شي عندي تمام

انت طمنا عنك

enter-q8 said...

سكوب زباله
باختصار

EXzombie said...

بو وليد

احسن تعليق شفته بمقابلة الجويهل واحد كتب اقعد عوي اقعد عدل اتكوكس و لا اوقف على ايدي هم مو قادر افهم شيبي الجويهل

امس كانت مأساة بكل المقاييس من برنامج الوشيحي الساعة 9 لين الساعة 4 الفجر مع قناة سكوب

كله كوم و بجوة بوعيدة لما كلمه رمزه قدس سره و ركبته الامام السيد حجة قضاء مجلس الخمة القلاف

القلاف يقول له انت مقاومة و الثاني يرد عليه انت مقاومة سيدي قدس سرك

و بعدين القلاف ناوي يرشنا بدم و ناطر كلمة من بو عيدة علشان يفزع له اهو و عشيرته

بس محد قال لي القلاف طلع عنده ميليشيا و احنا ما ندري

و بعد كالافلام الي صارت امس، ما ادري من وين طلع لنا ولد الديرة الي خلى بو عيدة الحين فاتح القدس و مساير المهدي

كلمة زبالة شوي عليهم

MakintoshQ8 said...

انا شفت شويه من اللقاء وشفت لما اتصل احمد البغلي
اصلا لو انا بدال البغلي ما اتصل على هالاشكال

المذيع الثاني شسالفته مسكين منفقص بالكرسي وخايف وكل الصراخ بوي الفضلي

مهزله اعلامية

EXzombie said...

ماكنتوش

الواحد يحمد ربه انه ما يشوف هالاشكال عندنا بالكويت

و البغلي ما يشوف شر، حسيته ابتلش بالجويهل يسئله يبي قانون يحل فيه المجلس

ههههههههههههههههههه

بوتشخيص said...

و انا معاك
المفروض نسوي حملة تبا لكم

لول :)

EXzombie said...

بو تشخيص

للأسف الي شفته من ناس ملهوفة عليه صدمني، على شنو و ليش ما ادري

واحد ما يقدر يصوت، و يطالب باسقاط الدستور و مجلس الامة

شتقول فيه

و الحملة ياية انشاء الله

EXzombie said...

و صوتك وصل

Bavaud said...

الله يسلمك و يخليك
انا بخير دامك بخير

بس دوام و لوية... و أزمة مالية... و حل... و ياكيت المارلبورو هني وصل سعره 9.25 يورو
انعفسنا ياخوك انعفسنا

لي عودة قريبة
بس عسى تنفرج الأمور شوي

أبو جيج يدور نعاله said...

آسف على تأخرى بالرد


بس ما فهمت تعليقك عندى بخصوص الفيد


و أول مرة أسمع عن هالمشكلة

شنو أقدر أسوى علشان أعدله؟


bojaij@hotmail.com

EXzombie said...

Bavaud

الداد لك
انا ياتني هدية كرتون سيجار كوبي اصلي، علشان جذي عندي اكتفاء ذاتي، لكن ما فكرت تستعين بالدعم اللوجستي للشيشة، ترى منها فايدة على جو لندن

و بانتظارك على احر من الجمر

في عندي لك موضوع راح يعجبك باسقاطاته

عزيزي بو جيج

راح ادز لك التفاصيل بالايميل

و مشكور على الرد

تحياتي