Sunday, December 04, 2005

الصعايدة قعدوا.....!!! و حكايات أخرى



موضوع اليوم شوي قديم بس لا تلوموني لأني ما دريت الا قبل جم يوم

طبعا كلكم تذكرون سالفة صعايدة خيطان قبل جم سنة و لما سوّا انتفاضتهم و كسروا و باقوا و اعفسوا خيطان
و كلكم قريتوا قبل جم يوم عن الصعايدة الّي تحبلوا و طقوا الشرطة
و المصري الي كفخ له اثنين من الشرطة و ضابط بالدفاع و هددهم بسكين و انحاش
و البنغالية الي ترسوا الحساوي و الجليب و قلبوهم لي دواعيس دكا و قاموا يتعاملون بالتاكا (العملة البنغلاديشية)
و غيره و غيره

كل هذي القصص و الاحداث الّي راح اتكلم عنها تخلينا نشوف صورة مغايرة لما هو معروف بباقي دول العالم


و خل نرجع لقصة صعايدة خيطان
تهاوشوا بقهوة بسبة ميزان و صحن انكسر و صارت بينهم و بين بنغال و قلبوا خيطان فوق حدر
و ما بقي بيت في خيطان الا و أخذ نصيبه من البلاوي الي اتحدفت عليهم
طبعا بعد ما ترسوا المساحات الرملية و تم تطويق المنطقة و تمت السيطرة على الوضع يطلع لنا وزير المغتربين و سفيرهم و يسكرون المشكلة طبعا سفّروا جم واحد على حسابنا و السلام ختام.....؟!؟!؟!

طيب نسينا و سكتنا....

لكن أهل خيطان ما نسوا المشاكل ماكلتهم ليل نهار كل يوم و الثاني هوشة و لا حرامية ناطين عليهم و لا مصايب ثانية الناس يخافون يطلعون برة و السبة العزابية الي ترسوا خيطان
الطلبة قاموا يروحون للجامعة المفتوحة و هم لابسين سليب بو قفل من الخوف
الناس بدت تنحاش من خيطان و الكويتي قام يطلع من بيته و يؤجر بالعدّان
و الصعايدة لما بقينا نسكنهم بمناطق تخصص للعمالة الوافدة العازبة صرخوا و هاجوا و ماجوا و طالبوا
و مرة ثانية وزير المغتربين يتدخل .... هالمرة بالتلفون ليش لا لما تتنازل مرة سهلة حيل تتنازل بعدها مرة و ثنتين و عشر
ربعنا استسهلوا السالفة و قعدوا الصعايدة "بخطان" و صار اجار الغرفة الي ساكنها طناشر بخمسطاشر طينار
لا و هدية من ربعنا للصعايدة راح نبني لهم بمناطق سكنية خاصة فيهم تدرون عزاب و يبون الستر و تكون الاجارات بأسعار رمزية بالنسبة لهم و الاجار مش حيزيد عن الخماس طنانير.....!!! و احنا عيال البلد ناكل تبن و نؤجر شقة بـ400 دينار

بس هم يستاهلون
قبل الغزو الفلسطيني كان عايش بديرتنا احسن منّا و كان معاشه و الصلاحيات الي عنده احسن من الي عندنا و بعد الغزو غيرنا الفلسطن و حطينا بدالهم المصاروة و الامريكان
مو خير ديرتنا مو لنا
علشان جذي نبني المستشفيات لهم و مستشفياتنا زفت
و نبني محطات الكهربا لهم و احنا الكهربا تنطفي عندنا
و نبني الجامعات بدول ما عندها شعوب و احنا جامعتنا نخرها السوس و صارت ملجى و ملفى لكل متردية و نطيحة من الدكاترة و التيوس (قصدي المعيدين)
الحين المصري ياخد يتاره في الكويت و اتقلبت ديرتنه للصعيد و سالفة "بيت علام" الي وصلت احداثها لي الكويت

الحين هذول استسهلوا الوضع علشان جذي المفروض ما نستغرب لما بين كل يوم و الثاني شرطتنا الفقارة ينطقون من 30 صعيدي علشان ماسكين واحد بلدياتهم و الاخبار تنتشر و ربعنا الظاهر عاجبهم الوضع

هذا مصري كافخ الدنيا و الدين و مهددهم بالسكين و ربعنا ينطقون شرطة و جيش طبعا
و هذا يمع ولاد عمته و مسكوا بالشرطة و هات يا ضرب دنته ملكش رب بالبلد دي

---------------------------
"أمن الفلد في واد..... و الشراتوه في واد"
---------------------------
ما ادري ليش اتذكرها كل ما اقرا خبر تعدي على شرطي من سب و تسفل و تتفل و ضرب و تجحيش و تكفخ و تهديد و اهانة و مهانة و استخفاف
علشان جذي لا تلومونهم اذا طلعوا سكارى بالبلوتوث الريال طلعت روحه و حتى زواج مو محصل علشان جذي لبس البدلة حق الفلبينية لأنه ما لقى الكويتية الي تلبس هاللبس

بعدين معقولة ما في زفت بمجلس خمتنا ما تعب حاله و تكلم عن هالموضوع
و الحكومة نايمة على ودانها و عاجبها التردي
وزير الداخلية شنو قاعد يسوي
كل يوم اعتداءات و اهانة للشرطة و اهم الي مفروض يحمون البلد و اهلها من الجرائم و غيره و اهم الي يفترض يحافظون على النظام و القانون
و صرنا الحين بوقت الشرطة فيه محتاجة لشرطة تنقذهم من الصعايدة و البنغال و الهنود و الصومال و حتى من الصلب......؟!؟!؟!؟

--------------------
"تبي تزكي و جيبك مقضوض"
--------------------
الحين الشرطة مو عيال ديرتنا
هذول عيالنا و اخواننا و ربعنا و اصحابنا شلون نرضى حمار كان من كان يغلط عليهم و يهينهم و اهم اساس نظام البلد و الجهة المخولة بحفظه و السهر على حمايته و خدمة الشعب

شلون هالصعيدي و لا البنغالي و لا الصلبي يعتدون عليهم و ربعنا ساكتين الي فوق و الي تحت
اهو فيه رسالة من الساسة و رجال الكاسة بانه ما في نظام و البلد سايبة

انا ما استغربت لما مجلس الخمة نسى يتكلم بهالموضوع
و لا استغربت انه وزير الداخلية يطنش و لا يتدخل
بس انصدمت من ردة فعل الشيخ صباح و خصوصا بعد ما صرح و تكلم بموضوع قناة الراي
و للحين انا ناطر اشوف شنو راح يسوون بالخمة الي هجموا على الراي و خايف لا يكون بس حجي

-----------------------------


الباكستاني الّي خطف له باكستانية صادوووه و ردوا البنت لبوها......!!!

الحين هذا فضحوه و حطوا صورته بالجرايد ليش......؟!؟!؟! متفق مع البنية و حاولوا يقنعون الابو زوجني البنية و لا بنموت سوا ابي اتزوجها و آخر شي ينصاد طيب خاطفها و اهي 15 و انت 21 بس شنو مسوي بدنياك الّي مخلي الشرطة تحط صورتك....؟!؟!؟!؟

بعدين "أسد حولي" او احمد الخليفة خلصت الجرايم و ما بقى انجاز علشان تحطون صورته هذا بس لا يكون من ربع بن لادن....؟!؟!؟

---------------------------------------------

العفاسي يطلق قناة العفاسي للقرآن الكريم

القارىء مشاري راشد العفاسي افتتح قناة خاصة به لتلاوة القرآن على قمر النايل سات

تردد 12015 - 27500

----------------------------------------

قاعد آكل سندويشة اسمها الفعفوط.....؟!؟!؟!؟

----------------------------------------

Tickle has sent me this e-mail after several days of taking a "super IQ test"....?!?!

Sataneesh (EXzombie),
As a top-scorer on Tickle's Super IQ Test, the in-depth analysis of your IQ score is FREE.

and my thinking style is Intuitive interpreter....?!?!

do anyone know what does that mean.....?!?!

10 comments:

forzaq8 said...

الشرطه الكويتيه ما لها هيبه لانهم
ياخذون اى واحد
يكفى ان وايد اذا ما فلح بالجامعه يروح شرطه

هذا غير تصرفاتهم

بعدين لما شرطى يأتيك و هو جسمه عباره عن قوطى بيبسى على عودين اسنان بتهابه ؟

EXzombie said...

ميخالف فورزا لكن مهما يكون و لو شنو كانت مؤهلاتهم فهذول عيالنا و اهم اول و تالي يمثلون ديرتك و مصدر تنفيذي للديرة و كفاية انهم محطوطين لنا و لخدمتنا و حمايتنا

مو معقولة اقول عادي خل ينطق الشرطي علشان شكله و لا لأنه ما نجح بدراسته

هذا معناته انه ماكو امن ماكو نظام بالكويت و الناس تضيع حقوقها

و معلش تحمل ني شوي لأني من جد قاعد اتكلم عن هالموضوع
و مو فاهم للحين ليش الخمة و مجلسهم ما تكلموا و ما شفنا برطم احد فيهم يتحجى عن الموضوع و صاير كأنه عادي

forzaq8 said...

لأنهم اهم مسوين واسطات اليهد
و يدرون عن الناس الى ما نجحت بالامتحان البدنى و زرقوها

و الناس الى بالجيش و مشوهم للشرطه
و الافراد القواطى والى بواسطاتهم عطوهم رتب

و تتعجب ليش ما يسئلون بالشرطه ؟

EXzombie said...

كلامك صح و انا معاك بكل حرف

iDip said...

ROTFL ....

EXzombie said...

which meens....?!?!?!

iDip said...

Rolling On The Floor & Laughing

Jazzi fizzle said...

Where have you got the 4th picture from? hahaa

Abdulaziz Al-Ateeqi said...

the internet

التميز said...

اذا كنت تعاني من الحشرات او تسرب المياه او كتم المجاري او عدم النظافه في بيتك الان لاداعي للقلق نقدم لكم شركة التميز للخدمات المنزليه عماله مدربه علي اعلي مستوي بدون اي اضرار جانبيه , باقل التكاليف الممكنه ,صدق ,امانه ,جديه تامه في العمل ولك ان تجرب وتري بنفسك فقط اتصل ب شركة كشف تسربات المياه بالخبر وشركة كشف تسربات المياه بالدمام وشركة مكافحة حشرات بالدمام وشركة تسليك مجارى بالدمام وشركة تنظيف بالدمام