Wednesday, November 28, 2007

الكويتيون يعبدون الصقور و يستمتعون بها.....!!!؟


اثناء متابعتي لصحيفة الشعب الصينية لموضوع مشاركة الكويت من عدمها في انابوليس و تغطية الصحيفة لها، لفت انتباهي رابط لموضوع يتكلم عن تمسك الكويتيين بتقاليدهم، طبعا الفضول شدني و رحت اشوف شالسالفة......!!!؟

توقعت انه اللغة الطرزانية موجودة فقط عندنا و لم اتوقع انه الصينيين عندهم طرزنة مقاربة و مشابهة لما لدينا.......!!!؟

يعني معقولة عاداتنا و تقاليدنا فيها "تمتع" بصقور، انا خابر لخمة و بنغاليين يركبون بقر و خرفان، و جم واحد يفر على الدياي، بس صقر.......!!!؟
و بعدين شكو نعبدهم....!!!؟

و شنو معنى "الولوع" بالجمال.....؟!؟
يعني الحين هدوا الغوص و هدوا صناعة السفن، و خلوا لنا عبادة صقور.....!!!؟
يعني حتى تراثنا صار على غير سنع.....!!!؟
الحين عندي جم سؤال احب اوجه احدهم الى زملائنا بخصوص التمتع، و هو هل تجب شروط التمتع على الطيور، و انه يجب ان تكون انثى الصقر ثيب او مطلقة و لا عادي كله ماشي.......؟!؟
السؤال الثاني، هل يجوز التمتع في حضرة الآخرين.......؟!؟
السؤال الثالث، ما هو الولوع بالجمال و ما هي مضاعفاته و اثاره الجانبية.....؟!؟
السؤال الرابع، ما الذي يفكر فيه الصقر(اي واحد من الاثنين ينفع) حاليا.......؟!؟
السؤال الخامس، بما انه متضامنين مع حملة نبيها ارخص، كم تكلفت مكالمة المتمتع في اقصى اليمين من الصورة....؟!؟

4 comments:

KQ8 said...

متدققش

الترجمة خرطي..انا معاك سالفة عبادة الصقور هاذي ماترهم وصراحة ماني قادر ارقعها الا بمكلمة خطأ مطبعي..وترجمة حرفية من اللغة الانجليزية الى العربية

اما بخصوص " الولوع" اعتقد انها يايه من الولع..فلان متولع بفلانه..ولا فلان متولع بالبلي ستيشن

انت الظاهر علبالك الولوج..وهناك فرق..
!!!

EXzombie said...

حده خرطي

اعرف الفرق بالمعنى، بس اسهل لهم لو كتبوا ولعهم بالجمال، يعني لو بتكلم عن الرقي اقول انا عندي ولوع بالرقي، و لا انا ولوع بالبنات.....!!!؟

تحياتي

Q80-ChillGirl said...

LOL

امبدعين شنو عبادة الصقور

ودي اعرف مصدرهم المبدع مثل اللي قص على واحد امريكي و قال له ان حكومتنا تعطينا 30 الف دينار بالسنه بس لمجرد كوننا كويتيين

لوول

ساعات مو بس الترجمة خواره همن الناس تعكس اشياء عبيطه بس على هالمغالطات يبيلهم ايميل :>

EXzombie said...

انا اوافقج الرأي

ربعنا هم يتفننون باعادة تمثيل مشاهد المسرحيات الكويتية، يعني ما في كويتي راح لندن و تعرف على انجليز و ما قال لهم احنا نسبح و نشرب بترول......!!!؟

حتى التشيكيين علمتهم جملة

"me go home, you go home, how much?"